موشّح:
ـ1ـ
ما بتتعلاّ كنيستنا
وبتزيد عمار
تا يطلع من جيبتنا
ويحكي الدولار
ـ2ـ
مفروض على جيبتنا
الايدين نمدّ
كل ما العدرا نادتنا
والهمّه نشد
وما نبخل عا ضيعتنا
والمال نعدّ
ونصلّي بكنيستنا
مع ناس كتار
ـ3ـ
من عادات اللبناني
يضحّي ويجود
وبين عقول الفهمانه
الأول معدود
ولما بموقف انساني
بيبقى موجود
ما بيرضا يكون التاني
لو مهما صار
**
شروقي
ـ1ـ
يا مجدليا افتحي قلبك لهالحضّار
وقولي يا مرحا وهلا بجمهور لبناني
وكاس المحبّه اشربي ونادي على الخمار
يفضّي شو باقي بعد خمره يلقناني
ـ2ـ
قالو ليالي الفرح بتطوّل الأعمار
وعنها هموم الدني من الدرب هرباني
وصاحب الصوت الحلو عا نغمة الأوتار
مرقّص صبايا السهر والكيف عشقاني
ـ3ـ
وبمجدليا الحلى عن يلفت الانظار
بخدود عن يرهجو والورد نيساني
وعيون تدبح دبح وشفاف يا ستّار
بتطفي لهيب العطش بقلوب شعلاني
ـ4ـ
ولحم الحلال الطري ما بينشوي عا النار
تا تضل تشهق الو عينين جوعاني
وان كان بدك لحم طيب وغير بدار
الصفرا بمشوي وقلي خيرات ملياني
ـ5ـ
وهلّق يا صاحب فكر من أروع الأفكار
المشروع عنّو انعرف مشروع انساني
تفضّل يا ابن الأصل ضحّي بكم دولار
حتى الكنيسه سوا في مجدليا نشوف
زينه وعالي البنا وعا الذوق عمراني
**
0 comments:
إرسال تعليق