جاليتنا اللبنانية/ موسى مرعي

 شعبنا اجا من الجهورية اللبنانية                
من الضيعة عالقارة الاسترالية                
نزلوا عن الحمارة
وطلعوا بالطيارة                
وفجأه تمدنت الختيارة
وصارت تدخن سيجارة                
والبنت تلبس ميني جيب              
الختيار صار يسرع  متل الديب
ويشفط بالسيارة              
صار الشاب حتي يجي على استراليا              
 يعشق ويحب ختيارة                      
 والله أمر هالناس غريب وعجيب            
شي قاعد عالكومبو
بالغش وبالزعبرة            
مدري شو ضربان قلبو
وواحد اسس جمعيه
تفاحه مهتريه
بعد سنة اشترى بالوطن عماره            
لما تقله حرام عليك
بيقلك هيدي شطارة              
و صار الواحد يعمل بيك
مشغول بالموبايل              
بيمشي بيتأنزع
كانه عم يحكي مع شي وزارة            
تتصل تقله جاي لعندك زيارة            
منشان ما يخسر كاسة شاي بيتحجج بموعد وبيقول            
ما عندي حظ شوفك يا خسارة              
شفتهم بالمناسبات العمى بياكلوا فجعنة بشهية          
وبيطلعوا منفوخين وتيهضموا ببزقوا بالصحن والصنية
دعيتهم وقدمتلهم أحسن أصناف من الذ المأكولات الشهية
اكلوا وخرجوا يسبوا ويحكوا عليي          
ولك وين الشهامة يمكن قبل ماتجوا نسيتوها بالخزانة
وضيعتوا الهوية                                
اللي معه الابتدائية
بيقول انه دكتور وما بيعرف الطب من الاكاديمية                                  
وهيدي حكايتي مع معظم  الجالية اللبنانية                    
موسى مرعي

CONVERSATION

0 comments:

إرسال تعليق