مملكة الشتي.. للشاعر الدكتور اياد قحوش/ شوقي مسلماني

"مملكة الشتي" كتابةٌ بالصور، والحصاد قطفاً: زهرةً زهرةً.. وأحلامٌ تعبر برقاً:
ـ "ومتْل القفَص هالليل 
ومتْل القفَص هالليل 
 وغير الحِلم 
ما ضلّ بوّابه" ص57.
ـ "والشمْس حلْقه
 معلّقه 
بسقْف الزمان
والكون حوض زهور 
وقمار عم بتدور" ص82.
ـ "وْراعي الشتي 
 لمّا نفخ منْجَيرتو 
 صاروا الغيُوم كْبار" ص48.
ـ "هالكون 
جرّه من عطِر عبِّك 
 والقنْطره لـ إقدّام بيتِك إدْن للجرّه" ص63.
ـ "موج البحر 
 سجّاد 
 عم لفّوا 
 وعم حمّلو ع الريح 
 ... 
 لازمْ نلاقي بلاد 
برّات الدني 
 ... 
 عامود نصّ الكون عم بيزيح" ص101.
ـ "وبتضلّ إمّي ناطره نرجع 
 يمكن إيديها بْواب 
 ما بيتسكّروا 
وبتضلّ بتصلّي 
 تـ ألله يقول حاج.." ص95.
"مملكة الشتي" مملكة الصديق الشاعر إياد قحوش ديوان شعر، وأيضاً قدّم له الشاعر النجم طلال حيدر. مبروك.. ووردة.
(الصورة: إبنتي لميس تتمسّك بمملكة الشتي إيماناً إنّ الشعر الجميل يضبط الحرارة)

CONVERSATION

0 comments:

إرسال تعليق