من رباعيات محمد جنيدي

سألت ليه
سألت ليه الزمن دايس على الغلبان
قالولي لأ دا الولد عمره ما كان  له حصان
واللي ملوهش اتركب وهيتركب لزمان
يا تموت أسد في الخلا أو عيش كأي جبان
==
فـ. العين دموع
فـ. العين دموع والبكا ديما ملوهش صديق
وامّا الفقير يبتسم يقولوله فين الضيق
مستكترين يرتوي من دمعته المسكين
يا يعيش كما الأبالسه يا يموت من التضييق
==
خايف تموت
خايف تموت والموت أصله ملهش كبير
تجمع لغيرك دهب لما بقا قناطير
مرت حياتك شقا والغير من القناطير
يصرف ومالبغدده اللي جمعته يطير
==
أصل الحكايه
اللي دبح عصفور من غير خطيئة كدا
هيعيش سنين مرعوب لو طال عليه المدى
أصل الحكايه روح مش علقه أو شكشكه
والروح لرب الروح متضعش أبدا سدى
==
نايم نوم
ترتاح ونايم نوم والنوم ما زرش عيون
جارك يبات مهموم وانت عطيها جنون
لو تفهم المسأله تعمل حساب م. اليوم
لو هيه عيشه وهنا ما هو بردو عاش فرعون
==
محمد محمد علي جنيدي - مصر
m_mohamed_genedy@yahoo.com